東羅 泰館 (已結業)

去觀塘買嘢，順便逛逛新地標裕民坊YM2，趁時間尚早搵地方食午餐。在三樓空中花園見到間特式泰菜，門口的餐牌都有好多選擇，價錢唔貴，立即拎飛等位。雖然係午飯時間，等咗十分鐘已經有位。裹面地方唔大，但都坐得舒服，地方好整潔，重可以望到廚房裹面的情况。選咗東羅泰滷豬手飯、泰館大蝦冬陰公湯粉，再加凍熱即磨咖啡各一。好快豬手飯已經上枱，好大碟，豬手非常淋夠味又唔太鹹，跟個酸辣汁，很惹味。冬陰公湯粉睇落唔大碗，但食落金邊粉份量十足，湯底亦很濃味，有兩隻大蝦，芽菜、草菇等，唔錯。這裏的食肆比起APM及工廠區內都乾淨，下次起會嚟番YM2揾食。