粗店燒烤 (已結業)

天氣凍最啱食串燒，就搵咗旺角依間串燒店試下。好彩我地早去，之後開始好多人食。職員會幫手放辣粉同孜然粉，同埋依間餐廳係店員燒好之後上菜，唔洗自己燒，唔會搞到有油煙味。首先點咗炸物！炸魷魚鬚同炸蠔仔。兩樣都炸到好脆，可以點泰式辣醬食，好夾。之後個生蠔真係必點！個蠔夠大，同埋好多蒜蓉！串燒揀咗燒雞翼，燒海蝦，燒菠蘿，燒牛串同埋燒雞軟骨。個燒雞翼係孜然味，脆卜卜。唔錯唔錯。蝦，菠蘿同牛串都幾好。但要大讚雞軟骨，個人比較鍾意食，佢都整得好夠味！錫紙系列點咗烤豆腐，烤茄子，烤蜆，烤金菇。全部都好味同埋真係大大份！ 烤豆腐同烤金菇下面會有粉絲。蜆都好新鮮我最鍾意烤茄子濃味，very good!整體成餐都好滿意，味道環境同服務都好唔錯，推薦鍾意食串燒嘅人真係要去試下！