團日式拉麵 (已結業)

夜晚天氣凍🥶 除左打邊爐之外，食碗熱辣辣嘅拉麵都係一個唔錯嘅選擇🐷 食完個身暖笠笠～店舖門口有部自動售賣機👀 (扮住去左日本先）揀完要想嘅拉麵，等一陣就可以入座啦～有4種拉麵可以揀（魚介、黑蒜油、激辛味噌同櫻花蝦拉麵），另外麵可以揀直/曲麵。驚唔夠飽仲可以追加溏心蛋、豚肉、海苔、竹筍同麵tim🐷櫻花蝦拉麵💰88 （曲麵）湯底濃郁，但又唔會太鹹！加上有櫻花蝦嘅鮮味😋魚介拉麵💰80（曲麵）滿滿嘅豬骨味！加埋鰹魚粉同鰹魚片，魚香味十足😛2碗曲麵彈牙又掛汁，啖啖都享受到湯底精華。配料份量多，有齊晒豚肉（3塊肥瘦適中）、紫菜、竹荀同溏心蛋成個😋 唔洗額外加已經可以食到👍🏻見佢宜家外賣仲可以有85折，住附近買返屋企食都幾好。