豐森水產 (已結業)

今次輪到朋友仔帶我食好西，元朗呢間新開日式料理地方寬敞，仲好有日本feel好，坐低睇下有咩好食先。頭盤有呢個蟹籽沙律，蔬菜食材新鮮，而紫菜炸雲吞，炸到卜卜脆，裡面仍保留juicy，好有口感。壽司、刺身，色澤光亮紅潤，帆立貝食落又爽又甜，吞拿魚鮮甜味美。主菜係燒肉加海鮮，兩款牛肉都有整齊嘅雪花，安格斯就牛味重一點。而個西班牙豬肋條，肉質好爽口，完全感覺唔到油膩。蟹甲羅焗飯，要拌勻先好食，每一啖都食到蟹膏嘅味道，而上面嘅配料粒粒，令到個飯更多層次。炒野菜，有肉又有菜，一定夠飽。最後呢個甜品盒好驚喜，估唔到咁大份，仲有唔同味道，今晚食得太開心了！