等咗大概20分鐘就有位，座位唔算多，坐吧檯前都依然非常鬆動
menu好簡單，只有熱湯烏冬，沾麵及凍烏冬，配搭鴨肉、雞肉、梅乾及天婦羅。所以好快就選定食乜，唔洗左諗右諗！
鴨肉入熱湯白布烏冬 ($75)
鴨肉連皮，咬落非常鬆化，比起平時食嗰啲硬到咬甩牙嘅鴨胸真係好得多。配料有茄子、大蔥，湯比沾麵嗰種清淡少少~ 而烏冬呢，由於浸晒喺湯入面，想拎佢出嚟影相係有啲難度，好難夾起！
2
雞肉入沾白布烏冬 ($86)
想影烏冬，叫呢款或者凍烏冬就好好多嘞！湯汁以海帶、鰹魚及醬油煮成，比熱湯重口味啲。有4件好juicy嘅雞肉，茄子及大蔥。本身我都唔係好鍾意食大蔥，但呢度嘅大蔥冇嗰種辛辣味道，食完都唔會成陣味留喺口腔之中。食到咁上下，加入薑茸及蔥粒，又有另一種味道。自家製白布烏冬賣相似雲吞皮，滑溜到不得了，厚薄適中，如果摺埋嚟咬更加顯得彈牙。聽隔離檯話食得好飽，但我想講，其實既得意又好味到唔夠喉！
山藥 ($18)
食咗一輪烏冬都仲未到嘅？原來係新鮮即磨㗎，加咗啲鰹魚汁令山藥更加有味道。點烏冬食，比滑溜更加滑溜
1
1
大概7點幾，店員已經話賣晒烏冬喇，做埋出面等緊嘅客人就唔可以再serve喇。想嚟食嘅，真係要有咁早得咁早嚟排隊試啊！
1
每人$100都唔洗，而家求其去食個餐都可能貴過$100。嚟呢度食用心自家製嘅烏冬仲抵食，雖然安排入座、落單埋單嘅都係同一個人，但服務態度非常好有禮貌，好值得專登嚟大角一試！
