alfafa (樂富廣場A區) (已結業)

估唔到真係會打得成風，因為之前都唔準加上本身放假，心情無乜特別，只係感覺無咗日假咁。唔想放假好似無放咁就等男友放工去食飯，唉，我係屋企又諗公司野，所以出去行下都係好事。有次經過已經想試，今次無乜人就即入，當然之後都full full地。點咗兩個一人餐，呢個係跟餐沙律，好fresh，醬料剛好，如果份量多少少會更好。餐包，烤熱咗。餐湯，粟米忌廉湯，無乜太大驚喜。雞肉有機磨菇紅米飯，有呀麻籽、菌類加白肉嘅雞肉，好健康喔，唔會太膩，味道香口。豬柳天使麵，天使麵偏乾了一點，豬柳鮮嫩軟腍。餐飲點了杯熱有機蘋果茶，好香蘋果味；甜品好像不錯，留番下次再試。