緬甸招牌湯米線 (已搬遷) 新店位置

今日打三號風，返工無咩做，於是上網search 下有咩食。見到呢間係附近緬甸野又少食，於是同同事都想試下。十二點半夠鐘放晏出發，行左十幾分鐘係轉角位揾到。間鋪兩張台四個位，等左一陣入去，老闆娘好nice好招哹。無帶傘，一入去坐底就落雨，感恩！好，講返正題，我地四個都叫左碗招牌米線，我同另外個同事就另加一換蕃茄撈面和咖哩薯仔餅share。簡單的講：1）米線：夠大碗，女同事好飽，我就岩岩好。個味岩我，漁湯味濃，加上其他香料都好配。2）撈面：個味幾清，有茄味，喜歡食辣的朋友可加辣椒粉，我就加少少都覺得夠。3）咖哩薯仔：有的異國風味，唔似泰國，又唔似馬拉，幾特別，大碗，佢個豆餅係我個人最愛。4）羅勒子凍飲：酸得來可解辣又解渴。四位埋單$22x 感想：大碗，好味，抵食，老闆娘nice! 建議老闆娘可另加肉類小食等比喜歡食肉的朋友叫同米線一齊食！