影片
更多
2017-12-20
12851 浏览
A姐：我今晚想去聽Live，飲吓酒，想過一個好chill嘅晚餐！M佬：但我想打邊爐喎！A姐：好！等我帶你去一個可以聽Live又有得打邊爐嘅地方啦！我估都估唔到，風馬牛不相及嘅Live同打邊爐竟然會喺同一個地方。呢個地方就係佐敦莊士倫敦廣場嘅銅蒸涮涮音樂火鍋餐廳喇！一邊點嘢食，一邊聽今晚嘅駐場歌手揸嘅歌，有Shine嘅《燕尾蝶》又有Boy'z嘅《死性不改》，啱晒我個年代，啲少男情懷即刻番晒嚟！任點任食嘅肉類有52款，而蔬菜就有33款，連同額外收費嘅安格斯肥牛同廣島蠔，合共87款。至於免費鍋底有3款，但一場嚟到食重慶火鍋，一於upgrade食重慶紅油鍋啦！重慶紅油鴛鴦鍋食重慶火鍋點少得最出名嘅紅油鍋呢？不過，遇上A姐唔太方便嘅日子，佢話怕油膩，所以特登叫個清啲嘅野菌鍋俾佢，一紅一白，咁辣又得，唔辣又得啦！而中央部份係蒸氣鍋，用嚟蒸海鮮就啱晒啦！一籠蒸汽小海鮮呢個海鮮盤有蜆、大蜆、青口同海蝦，我哋一致推介個海蝦，超彈牙好新鮮呀。步步高步步高即係墨魚丸、蝦丸、豬肉丸同鯪魚丸，個賣相真係好吸睛，即刻知道點解叫步步高啦！我就最鍾意佢個墨魚丸，因為入面有勁多墨魚粒呀，好正！特色豬天梯豬天梯係香港火鍋
M佬：但我想打邊爐喎！
A姐：好！等我帶你去一個可以聽Live又有得打邊爐嘅地方啦！
我估都估唔到，風馬牛不相及嘅Live同打邊爐竟然會喺同一個地方。呢個地方就係佐敦莊士倫敦廣場嘅銅蒸涮涮音樂火鍋餐廳喇！
一邊點嘢食，一邊聽今晚嘅駐場歌手揸嘅歌，有Shine嘅《燕尾蝶》又有Boy'z嘅《死性不改》，啱晒我個年代，啲少男情懷即刻番晒嚟！
任點任食嘅肉類有52款，而蔬菜就有33款，連同額外收費嘅安格斯肥牛同廣島蠔，合共87款。至於免費鍋底有3款，但一場嚟到食重慶火鍋，一於upgrade食重慶紅油鍋啦！
手切肥牛
215 浏览
3 赞好
0 留言
重慶紅油鴛鴦鍋
食重慶火鍋點少得最出名嘅紅油鍋呢？不過，遇上A姐唔太方便嘅日子，佢話怕油膩，所以特登叫個清啲嘅野菌鍋俾佢，一紅一白，咁辣又得，唔辣又得啦！而中央部份係蒸氣鍋，用嚟蒸海鮮就啱晒啦！
重慶紅油鴛鴦鍋
139 浏览
1 赞好
0 留言
一籠蒸汽小海鮮
呢個海鮮盤有蜆、大蜆、青口同海蝦，我哋一致推介個海蝦，超彈牙好新鮮呀。
一籠蒸汽小海鮮
92 浏览
1 赞好
0 留言
步步高
步步高即係墨魚丸、蝦丸、豬肉丸同鯪魚丸，個賣相真係好吸睛，即刻知道點解叫步步高啦！我就最鍾意佢個墨魚丸，因為入面有勁多墨魚粒呀，好正！
步步高
75 浏览
0 赞好
0 留言
特色豬天梯
豬天梯係香港火鍋店真係好少見，所以我一見到就即點！連一向少食內臟嘅A姐都鍾意豬天梯脆口嘅質感！其實豬天梯即係豬上顎嘅軟骨，因為形狀似樓梯而命名。
豬天梯
55 浏览
1 赞好
0 留言
羅漢果茶
除咗可樂七喜之外，涼茶類有羅漢果茶，咁熱氣都唔怕啦！
羅漢果茶
122 浏览
0 赞好
0 留言
除些之外，我哋仲點咗空運千層肚、黑柏葉、水魷、自家制雲吞、魚皮餃、午餐肉、即炸響鈴、西洋菜、粟米件、蘿白件同金菇......食到飽飽夠鐘都唔願走，因為今晚啲歌真係開正我個範！
配菜
157 浏览
0 赞好
0 留言
雲吞
40 浏览
0 赞好
0 留言
张贴
