花月宮 (已結業)

氣氛和裝潢也很有宮殿感。 一進門就有很多精緻擺設，位置寬敞坐得舒服，服務人員很有禮貌，一坐下 先介紹醬料盤，醬料盤以九宮格擺設，乾淨企理又有格調點咗個芫荽皮蛋湯底，十分濃郁，用料十足。真係成個住家湯咁好好飲，啱晒最鍾意食芫荽嘅我今次先叫個牛魔王天梯拼盤 有4種不同部位。頂級封門柳、牛柳粒、安格斯牛小月排、牛頸脊。拼盤上仲好貼心咁提示埋每樣牛肉嘅烹調秒數，牛柳粒好嫩滑，煮20秒入面剛剛好粉嫩粉嫩，加埋本身個湯底既鮮甜味，牛柳粒不用加醬料都已經好好吃。火鍋煮既牛柳粒都可以入口即溶架。再試埋安格斯牛小排，一樣甘滿意，油花分佈平均，每片都係完整大大片唔會有碎濕濕咁既肉片出現，煮20秒就食得，過足打邊爐既癮，牛小排一大片加埋醬汁可以令到成片牛小排同醬汁都充分渾為一體，十分有滿足感。再煮埋好爽口既珊瑚蚌，同蔬菜拼盤，食得好飽，完美結束。不論湯底同選料都好多選擇，真係要黎多幾次。