胡爐 (已結業)

打邊爐又怕熱氣，見到佢有個鮮椰青雞鍋，幾特別，椰青又清熱，就決定試吓🤔🤔湯底黎之前就有個打邊爐必備嘅調味架，芫荽，蔥，蒜蓉，炸蒜，辣椒所有需要嘅嘢都有👍👍仲要提一提佢個辣椒油，真係好辣，鍾意食辣嘅朋友一定要試吓😋落單之後好快個湯底就到，職員首先會炒下個雞，本身已經有啲牛油，之後佢會再落個清酒，跟住個鍋就有火出來，因為我嚇親驚得滯，影唔到🤣不過真係超級香同埋啱晒啲鍾意打卡嘅朋友🎥雞嘅份量都好多，而且啲雞都好香好滑，應該係新鮮雞🤔叫咗個竹庶茅根水叫咗個自家製韭菜餃，可能因為係自家製，同出面食嘅真係唔同啲，好足料，好多韭菜，加埋啲豬肉，肥肥地好好味😋野生竹笙要百幾蚊其實真係有啲貴，但係唔係好多地方有得食咁大條咁靚嘅竹笙，吸咗個湯底嘅味，真係幾正👍牛胸爽，唔知大家有冇食過牛胸爽，雖然望落好似好肥咁，但白色部分同平時啲肥膏唔同，係爽脆嘅，而且香過平時啲牛肉，我個人來講幾鍾意食😋😋