蒲頭島 (已結業)

香港嘅火鍋飲食市場越來越大，當中最多打邊爐嘅地方都一定要數到佐敦莊士倫敦廣場，大部份都係火鍋熱點，而且價錢唔貴，適合一大班人集會聚會一流。當中比較有新意或者就西式路線嘅就有蒲頭島。一坐低，連湯底都未叫就已經有歡迎飲品，其實係果汁，不過有燈照住感覺上好靚。人蔘白玉湯個味道清清地，裏面已經有雞同埋食到細細條人蔘。講到打邊爐，除咗湯底之外配料都好重要，好多款唔同嘅材料任君選擇，出面仲有好多野自取，唔想等嘅可以出去攞啲嘢食住先。牛魔王一定要揀不同種類的牛，牛柳粒或者肥牛嘅質素都唔錯，起碼花紋分布都算幾平均。唔會太肥或者唔新鮮。仲有牛腩嘅質感都算係幾林架。好似我哋咁鍾意食餃子嘅就會揀好多唔同類型嘅餃子，部份係自家製作，皮薄餡靚，不過食多幾粒就會有啲飽肚。響鈴就普普通通，不過不失。打邊爐點少得雞子，特別係冬天可以暖胃，真係超級大粒，係幾正嘅！食到尾可以食埋甜品，雪糕得壹隻味，不過配料就有好多選擇，食多幾杯都唔怕悶。