澳門仔火鍋串燒專門店 (已結業)

以前打邊爐淨係冬天既事，而家四季都唔少得！澳門仔豬骨就出名，今日試試個海鮮先。澳門海鮮豬骨鍋有大量既大蜆、仲有隻膏蟹添～大蜆好鮮味，好大隻！個湯底都唔錯，幾鮮甜，海鮮加豬骨係甜啲既。等個湯底滾既期間食住啲小食先，原條蒜蓉燒茄子辣辣地，滑溜溜咁～燒牛利就不得了囉～厚切～其餘火鍋配料都幾好，有靚烏冬食就更開心啦～～響鈴食得出係鮮炸，好新鮮，過一過水就食yummy！鍾意飲檸茶既朋友仲可以飲杯大檸茶添～爽！