牛大人台灣火鍋吃到飽 (形點 II)

营业中

休息中

今次又嚟分享打邊爐好去處😆，牛大人相信大家都唔陌生，每次去walk-in嘅話都要排隊，所以記得要預約！食物可以QR code落單，自助食品區主要有菜、菇、同丸類為主。熟食區仲可以自製滷牛肉飯。今次湯底方面揀咗阿嫲養生濃湯鍋，冬天養生滋補，清湯食唔到辣嘅首選✅套餐揀咗極上和牛吃到飽餐（$328）推薦：⭐️澳洲和牛M5牛肩卷、安格斯牛小排同手切封門⭐️除咗食肉之外，記得海鮮都唔好放過！推薦：⭐️新鮮沙巴同鮮甜海蝦⭐️飲品方面今次仲試咗手工啤「強波酸啤Sour Beer 」$68/400ML🍺味道清爽，有檸檬、蘋果酸香同柑橘桃香，豐富果酸味道，打邊爐嘅時候飲好解膩！其他餐飲品都好多選擇，除咗自家製洛神花茶、白桃烏龍、桂花烏龍、金桔椰果，今次去仲發現有罐裝ooha同枝裝Qoo，都係可以任飲㗎！最後食埋雪糕，就係完美嘅一餐😋😋除咗雪糕外，可以選擇食仙草㗎。