胡爐 (已結業)

今晚去左尖沙咀打邊爐，約左3個大學同學總共4個人圍埋打邊爐，放暑假之後好耐無聚埋一齊食飯，今晚難得個個都夾到時間，於是決定打邊爐。 我地叫左一個湯底，胡椒豬肚拼北海道牛乳花膠豆腐湯，我好鐘意果個牛乳花膠湯底，出面其他餐廳好少見，湯底濃香夠膠質，牛乳湯底夠滑溜，濃香幼滑，胡椒湯底濃香滋味，帶點胡椒香濃辛香味道。我地好鐘意食丸，所以今晚叫左好多丸，牛骨牛汁丸，芝心墨魚丸，另外叫左手工雲呑和鮮蝦帶子水餃，丸類彈牙夠爽口，最鐘意帶子鮮蝦水餃，味道鮮甜吸哂牛乳湯底，餡料豐富好多汁。