巧得鍋 (已結業)

呢兩日天氣轉涼最啱就係打邊爐啦，今晚想食得清少少，所以揀咗冬瓜瑤柱豬骨湯底，有好多瑤柱喺入面，就算煲完之後都有好香濃嘅味道，我同朋友兩個人都食晒入面嘅冬瓜～嚟到巧得鍋梗係要食下佢哋自家製嘅嘅水餃同埋丸啦！差啲唔記得講，叫食物嘅時候可以叫雙拼呀，咁就可以一次過試多幾款呢～呢度嘅水餃都算大隻㗎！今晚最深刻呢就係呢粒流心玉米丸呀～平時對於粟米嘅零食都特別有興趣，今晚呢粒玉米丸好似食緊粟米濃湯咁架，不過食嘅時候要留意番，因為太熱好容易辣親㗎！而墨魚釀冬菇都好香，放咗落去隔一陣等佢收咗水就食得啦～仲有我最愛嘅娃娃菜～打邊爐點少得炸魚皮同和烏冬架！食到咁熱梗係要飲番杯凍野啦，檸檬青蘋果汁夠晒清新，即刻可以降溫啊～最後仲有埋水果呢～