成都老碼頭火鍋 (已結業)

天氣開始有啲凍，想起食火鍋，咁大角嘴嘅『成都老碼頭火鍋』對我同朋友來講都係一個唔錯嘅選擇。今次簡簡單單來個『鮮淆豬骨湯』，跟住叫咗唔少嘢食，而食物來之前，都攞咗D西瓜同士多啤梨來食，係唔係好好呢。海鮮類點咗墨魚仔，珊瑚蚌和桂花蚌，最初經驗不足，墨魚仔跌落湯内，搵到時過熟同變得好細隻，後來醒目咗用『殼』來盛住咁就可以睇住來灼; 兩蚌都好正，好新鮮，灼熟後好爽口，食得非常開心。爽脆牛黃喉亦不負其名，够爽够脆，碼頭肥腸頭可以擺耐D都唔縮水，够腍就好味，功夫腰片刀功一，睇住來灼唔怕過熟。皇帝菜新鮮碧綠都係打邊爐鍾意的蔬菜之一。