影片
更多
2017-05-13
183 浏览
朋友就嚟要出國一段日子，我哋梗係要食餐好嘅好好同佢餞行啦！諗食咩嗰時一個就話打邊爐，一個就話鐵板燒，真係諗到頭都大埋囉＠＠＂好彩最後經朋友介紹下搵到呢個巧得鍋可以同時滿足哂兩個願望呀！呢度鍋嘅選擇都幾多，總有一款啱你口味！但其實。。。我有好多都想試囉！！！哈哈！最後我地揀左巧得SET，而湯底就揀左滋補花膠燉竹絲雞鍋，因為我地黎之前都有做過功課，見竹絲雞鍋好評如潮，咁梗係就食佢先啦，哈哈！活赤貝呢個係我地另外散叫嘅，話哂時令海鮮就當然要試下佢要幾鮮啦！真係幾鮮甜爽口喎，同埋都算幾大隻，仲擺設得好靚，呃like一流，哈哈！藍草莓顏色非常之靚，由紫變紅，一開始都幾驚係藥水味，但好彩冇事XD甜甜地，但唔知點解總覺得有啲巨蜂提子味，哈哈！麻辣雲耳身為一個辣妹，對我黎講呢個雲耳唔算辣，但都好惹味好開胃！酸辣鳳爪個人認為呢個比雲耳再辣啲，見到咁多辣椒都知啦，哈哈！不過其實都可接受嘅～同埋都幾大隻，好厚肉！巧得牛肉拼盤同啲牛精舊同事食飯就一定揀牛肉拼盤啦，哈哈呢個拼盤有幾個部位，個人認為牛就係燒好啲嘅，因為唔會俾個湯味掩蓋咗啲牛味，呢個啲牛味都幾重，不過唯獨係牛舌用湯煮反而仲好味喎，因為我地唔小心跌咗
我哋梗係要食餐好嘅好好同佢餞行啦！
諗食咩嗰時一個就話打邊爐，一個就話鐵板燒，
真係諗到頭都大埋囉＠＠＂
好彩最後經朋友介紹下搵到呢個巧得鍋可以同時滿足哂兩個願望呀！
呢度鍋嘅選擇都幾多，總有一款啱你口味！
但其實。。。我有好多都想試囉！！！哈哈！
最後我地揀左巧得SET，
而湯底就揀左滋補花膠燉竹絲雞鍋，
因為我地黎之前都有做過功課，
見竹絲雞鍋好評如潮，咁梗係就食佢先啦，哈哈！
活赤貝
呢個係我地另外散叫嘅，話哂時令海鮮就當然要試下佢要幾鮮啦！
真係幾鮮甜爽口喎，同埋都算幾大隻，仲擺設得好靚，呃like一流，哈哈！
藍草莓
顏色非常之靚，由紫變紅，
一開始都幾驚係藥水味，但好彩冇事XD
甜甜地，但唔知點解總覺得有啲巨蜂提子味，哈哈！
麻辣雲耳
身為一個辣妹，對我黎講呢個雲耳唔算辣，
但都好惹味好開胃！
酸辣鳳爪
個人認為呢個比雲耳再辣啲，見到咁多辣椒都知啦，哈哈！
不過其實都可接受嘅～
同埋都幾大隻，好厚肉！
巧得牛肉拼盤
同啲牛精舊同事食飯就一定揀牛肉拼盤啦，哈哈
呢個拼盤有幾個部位，個人認為牛就係燒好啲嘅，
因為唔會俾個湯味掩蓋咗啲牛味，呢個啲牛味都幾重，
不過唯獨係牛舌用湯煮反而仲好味喎，
因為我地唔小心跌咗一舊落個湯XDDD
所以意外發現牛舌係用湯煮好味過燒嘅,哈哈！
巧得大拼盤
(扇貝,青口,廣島蠔.松葉蟹棒,蜂巢豆腐,手打蝦丸/墨丸,韮菜安格斯牛肉餃,牛肝菌羊肉餃)
乜都有嘅大併盤，最啱我地呢啲唔想諗食咩嘅懶人，哈哈！
餐廳會另外再提供蒜蓉俾我地燒海鮮，都幾貼心！
不得不讚嘅係手打丸，真係好彈牙！
餃類嘅肉味都比較重，都係嗰句啦，啱我地呢啲食肉獸XD
巧得蔬菜盤
都幾新鮮，啲菜大大棵，
重點係南瓜好甜呀>w<
竹笙都係散叫嘅，用黎打邊爐真係一流！
因為佢會吸滿湯汁，加上非常之爽口，正！
總括黎講呢餐都幾滿足，地方都算闊落，
好適合一大班人食野傾計，
下次會再帶其他朋友仔黎試下其他鍋啦！！
张贴
