媽咪雞蛋仔

营业中

休息中

雞蛋仔可以話係香港人不可缺少嘅街頭小食，無論大人定小朋友都會鍾意！但來來去去都食同一隻味可能大家都會開始覺得悶，媽咪雞蛋仔有10幾款唔同口味嘅雞蛋仔可以揀，夠哂創新，除此之外仲有唔同口味既格仔餅添今次就同屋企人試咗兩款唔同嘅口味黃色係期間限定嘅牛油果朱古力粒雞蛋仔，綠色嘅係抹茶朱古力粒雞蛋仔牛油果雞蛋仔裏面每一粒都有牛油果粒再加朱古力碎，所以成份雞蛋仔好重手，唔似平時食嗰啲輕飄飄，牛油果控必試抹茶朱古力粒雞蛋仔，抹茶味濃，同朱古力粒係最佳配搭如果叫咗雞蛋仔或者格仔餅，再買嘢飲可以享有減$4嘅優惠，我哋叫咗紅豆沙冰，將粒粒紅豆同冰一齊打碎，紅豆味夠香又唔使驚佢食唔到啲紅豆粒，另外仲叫咗杯益力多沙冰，酸酸甜甜夠晒好味