一方堂居酒屋

营业中

休息中

今晚又約咗朋友傾心事，所以又搵咗間居酒屋，食吓嘢傾吓計。佢呢度地方細細，但係好有feel，係啲老細或者廚房會走出嚟同客人飲下酒嘅居酒屋。佢今晚好爆場，無論樓面定廚房都超級忙，所以我哋叫咗個核桃女子食住先，一路食一路等。佢呢個合桃魚仔配埋甜甜地嘅醬，係幾好食。然後我哋仲叫咗個清酒煮蜆，佢啲蜆真係好大隻，最重要嘅係一啲都冇沙，夠晒鮮甜。見到佢有個錫紙魚獅風魷魚，佢係成條魷魚，所以份量好足，不過可能係俾人送酒用，所以味道比較鹹。你的居酒屋當然要試吓人哋啲刺身啦，所以我哋就叫咗個刺身拼盤，有兩款時令嘅魚刺身，赤背，帶子，甜蝦，每一樣都好新鮮。當中最令我印象深刻嘅，係佢個海膽，真係好鮮甜，超好味。因為我哋兩個都好肚餓，所以仲叫咗個廣島燒餅，佢個燒餅冇乜特別，正正常常。最後就係我最期待嘅壽喜燒，佢呢度嘅壽喜燒絕對可以俾人打吓卡，因為佢會放咗個棉花糖喺上邊，都幾得意。最重要係我哋叫咗個安格斯牛，牛都幾靚，唔會太肥又唔會太瘦，真係啱啱好。牛味濃之餘，就算煮耐左都唔會鞋口，最重要係佢用棉花糖來帶出個甜味，所以個湯唔會話死鹹死甜嘅味道，我個人覺得幾好食。