居食屋「和民」 (皇室堡)

营业中

休息中

約了車媽媽去食靚爆甜品Atum!!!都說過，雖仍大愛吃甜，但實力已沒有以前厲害，甜品當正餐的日子早已成絕唱。所以，須搵個地方打打底。呢個打底餐，唔使太貴，但最好坐得舒服，快快趣食完就去。想了想，就皇室堡的和民吧！放工趕到，嚇見門外很多人在等位，幸而車媽媽己坐低了，立馬揀選幾款美食。率先來一碟串燒，既有雞肉，又有雞軟骨，同埋煙肉蕃茄，和豚肉包小露筍等。大致可以，個人最喜愛豚肉露筍卷，煙肉車厘茄也多汁可口，唯獨是雞軟骨，我不懂欣賞。這裡的玉子卷，是釀入了鰻魚，多一重口感。成品稍稍過熟了一點，只勝在溫度足。喜歡香口嘢的我們，亦點選了軟殼蟹壽司卷。好大的份量，米飯算是握得不俗，沒有一夾即散，軟殼蟹也夠香脆，水準合格，又很飽肚。早知咁飽，就唔叫個鰻魚飯。圓潤的米飯，甜甜的鰻魚汁，味道還好，若鰻魚可以肥美些，就會更好吃。不過呢個，都收貨有餘的了。要為精彩的Atum甜品留肚。