清真牛肉館 (龍崗道) (已結業)

新手打食評，得罪莫怪。今日到九龍城食飯，由九龍塘出發，坐架小巴2A，單程誠惠$5.6，挺貴。無所謂，心諗食好野要犧牲少少喇，鬼叫自己饞食咩，所以一陣更加要食好野，以消心頭慾火﹗如是者，我和同伴就懷住萬分興奮的心情，步入清真牛肉館，口中默默想像泌汁牛肉包的美味，一公升口水在口中迴轉﹗入到店內，跟店員要了二人枱，拿起餐牌，見無午餐，問店員先知原來午市係叫小菜的。「不是吧，小妹」可以想像，小小的小菜怎可能撲息我既食慾？心急如焚的我，依從友人意見，決定叫一個誠惠$173既二人套餐食。自小經驗相信，好食既野一定係貴d架喇，唔通真係周街一蚊鮑魚咩﹗二人餐有咩食自己睇圖，我唔詳細講喇。等左五分鍾，有得食牛肉包。正所謂「人未食，相機食先」，當然要拍照留念一下。完成後，友人己經急不及待拿起包包大快朵飴。見佢咬到周圍都係汁，心裡有數，等我慢慢食先。咬了一口，包皮凍既，心諗，可能係特色黎呢，所謂外冷內熱嘛。咬到落涵。x，點解暖既？說好的熱辣辣牛肉包呢？試埋d味，可惡，同我屋企樓下間xx上海鍋貼有咩分別？人地賣6, 7蚊個，你夠膽收人地咁貴。其它野食都到齊，但都係好重口味。想問店員點杯飲品，及問下d飯幾時到？