Extra Virgin (已結業)

打工仔最痛苦既就係星期一等星期五，星期一就食餐好既lunch 安慰下自己。同事之間要輪流去餐廳搵位，今次輪到我，雖然威靈頓街食肆都算多，但個個都係十二點幾一點放lunch，唔去搵位就真係食風😂呢間我計埋今次都幫襯咗四次(唔錯的），又無加一，叫主餐又送飲品，加上我最鍾意佢既地方係佢地用橄欖油煮意粉，佢地枱面仲貼咗張紙話俾食客知用橄欖油煮食既優點。今次都唔例外都叫咗碟意粉（芝麻醬手撕雞配意粉），手撕雞d汁都幾多下，唔係hea我，因為我食飯又好食意粉又好都一定要有d醬汁送下。話說我食完d意粉都未食完佢d餸。我地仲叫左兩碟salad，一個Caesar salad,一個Greek salad。個caesar好多芝士係面，兩位女同事不停食不停夾😂，我就鐘意個希臘沙律多d，因為開胃。最後，如果呢間舖再多d小食個d就好了。