花火洋食 (已結業)

朋友打完golf之後一齊食飯，餐廳喺高球場入面，都幾方便。環境都幾舒服我地一人點咗一個套餐，配椰菜花湯同飲品。意式煎盲槽魚配香草忌廉汁上菜時，覺得碟顏色好好睇，下面既薯蓉因為加咗番茄而呈橙色。盲槽表面煎得很香脆，但內裡肉質冇過老，煎得剛剛好。食落冇腥味，由於魚味道唔會太濃，下面嘅薯蓉味道比較重，兩者加埋一齊放入口，味道變到剛剛好。唔知係咪廚師係既用心設計呢。另一個套餐係泰式青咖哩鮮蝦扁意粉，都係誠意之作。餐飲就點咗凍奶茶同埋凍檸茶。