悅軒海鮮酒家 (已結業)

有咁多劣評，真係唔係流嘅。呃錢嗰啲唔好講，啲食物真係渣得好緊要，我食完返屋企仲有味精敏感，真係好離譜。各位如果想打大佬嘅，不妨來試一試。我都已經唔係限住叫，三個人、澳洲龍蝦，賴尿蝦，燒鵝，聖子王，炒多個菜添。只龍蝦又話有兩斤幾，出到嚟我覺得最多得斤半。個賴尿蝦，買三送二，出到嚟得三隻，唔叫佢佢都唔加返兩隻俾你。燒鵝肥都食唔到落口，去惠康買嗰啲現成燒味都好食過佢。炒個菜，蒜蓉蒸勝瓜，我諗唔識主煮餸嘅屋企都煮到啦，出嚟嗰啲勝瓜苦嘅。真係忍唔住叫佢換，焗住炒個通菜，一樣咁難食。一間酒樓好難任何野都煮得咁難食。