影片
更多
2011-12-08
397 浏览
两星期前, 师傅喺放饭时间, 突然兴之所致, 决定调转黎行, 从前喜欢行太古方向行, 是次决定往北角走, 边行边揾食! 由于师傅冇咩心水, 唯有顺著心情, 睇下到时想食咩啦, 行行下见到呢间食店, 好似好吸引, 但又唔知好唔好味, 不过最后师傅还是豁出去! 入到去刚好有个位, 于是就坐底! 食店环境唔算大间, 不过都算几多食客; 讲真, 呢个环头放饭时间都冇咩边间会冇人, 如果冇人的都应该执得; 所以呢个时段用人潮系不足以确定食店嘅水准! 坐底后望左一阵, 又想食鱼蛋, 又想食牛杂, 不过计过度过都系觉得牛杂稳阵啲, 于是就决定柯打一碗牛杂米! 牛杂有牛膀, 牛肚, 牛肺同牛肠! 未试牛杂前, 师傅还是先试汤底, 汤底味道唔算浓, 五香味唔重, 师傅觉得只系比清汤稍为浓少少, 并不吸引; 至于牛膀并唔算最好, 入口虽然冇异味, 不过较为韧身, 同十三座的真系冇得比; 牛肚就劲腍, 卖相就好似腍到烂咁, 口感一般; 牛肺相对地较好, 肺身烟烟韧韧, 微微爽口, 感觉劲正; 最后牛肠较韧, 基本上都要费啲力去咀嚼, 唔掂! 不过最差莫过于米粉, 米粉本身较粗身, 坦白讲粗身嘅米粉已经令口感
入到去刚好有个位, 于是就坐底! 食店环境唔算大间, 不过都算几多食客; 讲真, 呢个环头放饭时间都冇咩边间会冇人, 如果冇人的都应该执得; 所以呢个时段用人潮系不足以确定食店嘅水准!
坐底后望左一阵, 又想食鱼蛋, 又想食牛杂, 不过计过度过都系觉得牛杂稳阵啲, 于是就决定柯打一碗牛杂米! 牛杂有牛膀, 牛肚, 牛肺同牛肠! 未试牛杂前, 师傅还是先试汤底, 汤底味道唔算浓, 五香味唔重, 师傅觉得只系比清汤稍为浓少少, 并不吸引; 至于牛膀并唔算最好, 入口虽然冇异味, 不过较为韧身, 同十三座的真系冇得比; 牛肚就劲腍, 卖相就好似腍到烂咁, 口感一般; 牛肺相对地较好, 肺身烟烟韧韧, 微微爽口, 感觉劲正; 最后牛肠较韧, 基本上都要费啲力去咀嚼, 唔掂! 不过最差莫过于米粉, 米粉本身较粗身, 坦白讲粗身嘅米粉已经令口感骤降, 而呢间食店仲要煮唔腍, 入口仲硬硬地, 你话点食呢?
总括黎讲食物水准绝对系要求以下, 服务一般, 环境细地方都尚算干净, 而价钱都唔平, 不过真系几多钱师傅已经唔记得! 朝著北角呢个方向走嘅第一炮就打唔响, 所以师傅还是继续往太古方向走稳阵啲, 喊脸一定要比, 净系个米粉都抵攞个喊脸啦, 所以肯定冇下次!
张贴
