真妮 (已結業)

作為漢堡嘅愛好者，屋企附近開咗新嘅漢堡包店點可以錯過。嗌咗真妮漢堡入面有手打牛肉漢堡、秘制醬汁、蕃茄、生菜、芝士。 麵包烘得香脆，手打牛肉嘅關係，食落好juicy 帶點牛肉嘅香味，配埋醬汁非常夾。另外仲嗌咗蒲燒鰻魚pizza。Pizza餅底香脆，而鰻魚份量十足，肉質厚實有口感，醬汁非常惹味。平時嘅pizza 好少見有呢個配搭，鍾意試新嘢嘅朋友可以嗌下。小食推介一口芝士，表皮香脆，入面香濃芝士，食到停唔到口！飲品方面就係基本嘢，如果有啲可以for 打咭嘅飲品就更好，唔會浪費咗個裝修嘛。