Master Room (已結業)

今日特登過嚟試吓呢度啲咖啡！我一個人坐到一個角落睇晒全店，而且同其他枱有足夠嘅距離，好舒服！好自在！下午茶時間只係試咗Latte同埋Chocolate Sacher.Chocolate Sacher 係奧地利式嘅一種朱古力蛋糕！濃濃朱古力裏面有Apricot餡料，令到蛋糕有微酸味道，唔會太膩！我個人覺得個朱古力味可以，但係我比較喜歡軟少少嘅蛋糕，因為呢款係比較厚實！咖啡方面就有少少失望呀！因為我覺得比較淡咗少少，呢啲係個人嘅口味。如果係偏向手工咖啡濃啲會好啲！環境就都舒服！下次就要試吓佢哋出名嘅其他食物，例如：全日早餐、西班牙蛋餅！