打卡點點心專門店 (已結業)

上星期同屋企人去咗黃埔食點心，呢間新開點心價錢唔貴，款式夠多😎

魚肚滑雞扎
一籠有兩大件魚肚雞扎，熱辣辣，薄薄嘅腐皮包住雞肉、冬菇、芋頭同主角魚肚，超級足料🤣🤣 魚肚索晒汁好軟綿，雞肉大大件，一定要試。

鮑魚燒賣
一籠有兩粒鮑魚燒賣，呢個影相一流，鮑魚好大粒，真材實料。

晶瑩蝦餃
蝦餃有三粒，皮薄餡靚，蝦肉彈牙爽口，鮮味十足。
 

花膠碗仔翅
第一次見到碗仔翅配花膠🤣🤣估唔到又幾足料，一碗有成四五條長花膠，好有膠質，女士們食啱晒。

竹燕椰汁糕
最後叫咗甜品食，呢個竹燕椰汁糕都唔錯，上層係竹燕，下層係椰汁糕，好重椰汁味。