影片
更多
2021-08-28
20 浏览
今日星期五, 約左朋友去荃灣行街順便食晚飯，我地兩個都好中意食串燒，貪佢份量少，但可以叫好多唔同款式。我地走去大河道附近食肆核心位置，加上openrice 搜尋下，搵到附近間“共度一燒”, 餐廳環境望落唔錯，裝修清新自然，坐位寬敞舒適，最緊要地方清潔。依度隨左串燒之外，仲有酸辣湯粉，岩晒我地口味，我地叫左碗酸辣薯粉+豬腸+墨魚丸，湯底酸辣度岩岩好，味道好似我地返大陸食好地道個種四川風味, 薯粉口感QQ, 豬腸墨丸都好味。串燒點左至愛既牛舌, 一串辣一串唔辣, 口感煙韌，濃厚牛舌味，仲好油香好惹味，食一串點夠喉😋🙈另外仲叫左，一份燒牛仔骨，雞腎, 雞翼，好香既孜然味, 燒得岩岩好，不會太乾，好有風味。 店員推介左今日既海鮮有優惠，包括燒蠔同燒虎蝦，我就每樣叫左一隻，燒蠔肥美飽滿，加上蒜蓉一齊燒，蠔味十足又惹。 燒蝦都好大隻，燒完既蝦特別鮮味香口，正👍！！食完唔夠喉，加多個濃湯花甲同燒鱔，花甲大隻，連埋濃湯一齊食，非常鮮甜。 燒鱔好重魚油香，外皮燒得好香脆，魚肉仍保持鮮嫩Juicy。另一推介燒蒜香茄子，勁多蒜蓉，再加上秘製調味，茄子軟滑惹味。最後啟動埋第二個胃，叫埋個甜點 - 炸紫心香
依度隨左串燒之外，仲有酸辣湯粉，岩晒我地口味，我地叫左碗酸辣薯粉+豬腸+墨魚丸，湯底酸辣度岩岩好，味道好似我地返大陸食好地道個種四川風味, 薯粉口感QQ, 豬腸墨丸都好味。
串燒點左至愛既牛舌, 一串辣一串唔辣, 口感煙韌，濃厚牛舌味，仲好油香好惹味，食一串點夠喉😋🙈
另外仲叫左，一份燒牛仔骨，雞腎, 雞翼，好香既孜然味, 燒得岩岩好，不會太乾，好有風味。 店員推介左今日既海鮮有優惠，包括燒蠔同燒虎蝦，我就每樣叫左一隻，燒蠔肥美飽滿，加上蒜蓉一齊燒，蠔味十足又惹。 燒蝦都好大隻，燒完既蝦特別鮮味香口，正👍！！
食完唔夠喉，加多個濃湯花甲同燒鱔，花甲大隻，連埋濃湯一齊食，非常鮮甜。 燒鱔好重魚油香，外皮燒得好香脆，魚肉仍保持鮮嫩Juicy。
另一推介燒蒜香茄子，勁多蒜蓉，再加上秘製調味，茄子軟滑惹味。
最後啟動埋第二個胃，叫埋個甜點 - 炸紫心香竽丸，外脆內軟，香竽蓉香滑，不會太甜。
唔覺唔覺都叫左好多款，好飽好味好滿足，地方又好坐，店員服務態度親切有禮，價錢大眾化。
张贴
