影片
更多
2015-07-26
508 浏览
好坦白純粹去打卡一次，應該唔會食第二次。首先黎左兩杯飲品，紫色既瑪莉蓮夢露好夢幻，不過好甜⋯⋯熱既水果茶一般，我估係玫瑰茶加左糖水，再切啲生果裝飾一下。但我唔期望堂食都要用紙杯飲，杯飲品都要$25，點解要用紙杯？無乜誠意呀⋯⋯第一樣黎既食物係蛋撻，已經微涼。落單時店員話有新既焗緊，咁好明顯我食緊舊嗰批⋯⋯燕窩推埋左一邊，又係圖片只供參考啲friend⋯食落微涼，蛋餡有啲硬，曲奇皮無乜香味，真係一般⋯⋯⋯冬菇包、豬仔奶皇包同蝦餃一齊黎。冬菇包造型真係好打耳！面頭係可可粉，有少少苦苦地。咬開個包有好香既菇味，好食。個包口感幾軟熟，唔錯！豬仔奶皇包，係一眾食市都做流心奶皇包下，我都期望佢流流地。為左測試，我特登用筷子叉佢個鼻哥窿，再禁佢，希望佢會有黃色既鼻涕流出黎。結果係⋯⋯無既！有啲失望，咬開個包，其實啲奶皇瓊瓊地，而且甜左少少。蝦餃，皮唔算薄，不過都唔係厚。餡料都幾多，過關！再黎既係鮑魚燒賣，同圖片有些少出入，啲鮑魚無咁靚仔吖下！不過粒燒賣入面有3隻蝦，仲好大粒，ok！但我其實仲有叫xo醬鳳爪同黑蒜蒸排骨，但等左一個鐘都未黎所以決定唔再等。係嗌服務員既時侯，好大聲咁嗌左兩次都無人應。有一
首先黎左兩杯飲品，紫色既瑪莉蓮夢露好夢幻，不過好甜⋯⋯熱既水果茶一般，我估係玫瑰茶加左糖水，再切啲生果裝飾一下。但我唔期望堂食都要用紙杯飲，杯飲品都要$25，點解要用紙杯？無乜誠意呀⋯⋯
第一樣黎既食物係蛋撻，已經微涼。落單時店員話有新既焗緊，咁好明顯我食緊舊嗰批⋯⋯燕窩推埋左一邊，又係圖片只供參考啲friend⋯食落微涼，蛋餡有啲硬，曲奇皮無乜香味，真係一般⋯⋯⋯
冬菇包、豬仔奶皇包同蝦餃一齊黎。冬菇包造型真係好打耳！面頭係可可粉，有少少苦苦地。咬開個包有好香既菇味，好食。個包口感幾軟熟，唔錯！
豬仔奶皇包，係一眾食市都做流心奶皇包下，我都期望佢流流地。為左測試，我特登用筷子叉佢個鼻哥窿，再禁佢，希望佢會有黃色既鼻涕流出黎。結果係⋯⋯無既！有啲失望，咬開個包，其實啲奶皇瓊瓊地，而且甜左少少。
蝦餃，皮唔算薄，不過都唔係厚。餡料都幾多，過關！
再黎既係鮑魚燒賣，同圖片有些少出入，啲鮑魚無咁靚仔吖下！不過粒燒賣入面有3隻蝦，仲好大粒，ok！
但我其實仲有叫xo醬鳳爪同黑蒜蒸排骨，但等左一個鐘都未黎所以決定唔再等。係嗌服務員既時侯，好大聲咁嗌左兩次都無人應。有一位服務員飲緊水，一位企係到唔知做乜，最後有一位行埋去傾計。咁我就長嘆一聲：唔該～～～～～～～～～終於有人應我啦（好歡喜的說）表達左兩樣野食都未黎之後，樓面同廚房嗌交。其實嗌咩啫，發現唔妥應該解決左個問題，之後先檢討吖。個客仲係到，而且有咁多台客聽住你地嘈，真係你眼望我眼—即係點？
P先生決定唔等，起身埋單啦連一早劃好準備加單既甜心檸檬批同粒粒果仁蘋果撻都無得叫了⋯⋯⋯
難得住係附近，一心捧下若希場。P先生話：代言人咋嘛！又唔係佢開～
以為可以留一個愉快既用餐經驗添⋯⋯雖然一早覺得唔太抵食，但試過食過一次都滿足吖。依家就覺得失望多啲⋯⋯
後記：對於我同P先生都算係大胃王，食完點心瑪莉仲係好肚餓，於是再去另一間點心店再食過⋯⋯⋯
张贴
