富山居 (裝修中)

估唔到大埔街市美食廣場呢間日式店舖有露天座位！座位旁邊仲要放滿左紫色嘅花！下次一定要帶埋男朋友過嚟打卡🤣照燒十勝豬扒脆脆豬既然第一次嚟到就梗係要叫佢哋嘅招牌菜嚟試吓，呢款招牌菜都真係令我有啲大開眼界，完全冇諗過一塊豬扒可以咁厚切，最神奇嘅係咁厚切但肉質依然好嫩好易咬，而且豬扒兩面都煎過好香脆，仲有部份嘅油脂食落勁惹味，包入面仲有煎過嘅洋蔥，而烤過嘅豬仔包搽咗少量牛油，令整個包嘅味道層次更豐富❗️食完都真係感受到有飽嘅感覺，換言之份量都唔少，鍾意豬扒包嘅你一定要過嚟試吓👍🏼另外仲叫咗一杯凍咖啡，奶同咖啡嘅比例均勻，咖啡味道香濃奶味亦夠出，相當唔錯相信呢間餐廳絕對可以討得男朋友歡心🤩