Error 19 (已結業)

網上見到error19餐廳有打卡位，所以同朋友book定位，順便試下佢地既菜式岩吾岩我口味。前菜有羅宋湯、沙律菜、蒜蓉包。燒春雞伴紅酒汁：春燒吾會燒過龍，肉質吾算鞋口，當中滲有少少肉汁，感覺吾會油膩！另外紅酒汁令雞肉可達到調味效果。另有燒過既蔬菜食用，中意食雞既朋友可以一試。黑松露芝士薯條：薯條份量好多，上面有少許芝士造成拉司效果。再配合黑松露醬一齊食，味道幾香口。404肥仔重朱古力窩夫：最最最值得推介既莫過於甜品！窩夫即叫即整，上枱後仲keep到脆脆地。朱古力愛好者就岩晒，因為窩夫上佈滿左朱古力碎、朱古力醬、更配有朱古力雪糕。三者味道既甜度岩岩好，另有士多啤梨，可以有酸酸地既味道，食落無甘罪惡感。凍朱古力：甜度充滿甜味，味道濃厚。