御品·千之味 (深水埗) (已結業)

睇 menu，御品 • 千之味嘅午餐感覺好豐富：有主食，沙律，小食，甜品，味噌湯或飲品，打卡仲送多一款小食😮。聽人講呢度嘅壽司刺身好得下，但係我今日好想食熟嘢，於是叫咗燒鯖魚定食。可能真係因為冇叫壽司刺身，所以呢個定食我只能夠說普通水準，鯖魚味道正常，不過冇骨，呢度有分加👍；碗白飯煮得略嫌太腍，感覺亦唔似日本米；中華沙律（原來係甜品😂）同蟹子沙律都係現成嘢，唔會太走樣；卷物本來幾好食，但係未有隨餐附上 wasabi，感覺就爭少少。反而打卡送嘅辣味螺肉又辣又有咬口，更加比想像中大兜好多，充分顯出店家嘅慷慨😆。