溏串小町 (已結業)

係Openrice見到溏串小町有新出的自肥甜品，今日帶埋小鏡粉一齊去自肥，順便食埋晚餐，我地由太和火車站行過去只係5分鐘左右，好方便。餐廳裝潢設計好有日式居酒屋感覺，牆壁上貼滿了日本海報，有好多日本擺設，非常有日本居酒屋的氣氛。山葵鱆魚漬（生）Wasabi 味道剛剛好，不會嗆過龍，鱆魚漬夠新鮮爽口。唐楊炸雞炸雞好大件，雞肉如果再Juicy 一點會更好。豬骨湯烏冬烏冬煙韌彈牙，好濃郁的麻油豬骨味，又不會過鹹。富士山梳打飲落去勁似細個食既吱吱冰味道自肥甜品相片打印配上布朗尼蛋糕，小鏡粉完全唔捨得食，相片打印可以預先通知餐牌用自己既相打印，但今日餐廳比左Anson Lo 我地，小鏡粉開心到飛起，相片用威化紙，可以食用，而布朗尼蛋糕有6件，濃濃朱古力味，夠濕潤，不會過硬。門口亦擺放了一些Mirror 應援品，可以免費自取