花圖 (已結業)

為左多謝友人咁關照，今次帶佢去一間高級中菜，用好西慰勞下佢☺️花圖主打新舊融合既中菜，裝潢設計時尚有氣派，環境寬闊舒適，幾岩打卡，而且上菜時既器皿全部已預熱，為食物保溫，照顧埋食得慢既客人，服務幾貼心🥰我地order 左兩個dinner set — Lavender薰$388/位前菜桂花百合山藥｜🦐黃金蝦多士山藥口感清爽，有淡淡桂花清香，鮮百合處理得幾好，爽甜無苦澀味；蝦肉沾上麵包糠炸至外層香脆，但同時保留蝦肉既彈性及鮮味，面層撒上芝麻提香，食完有種意猶未盡既感覺🤤湯🍲順德生折魚蓉羹菇菌、木耳、竹筍、甘筍等多款材料切絲，魚味鮮甜突出😋粒粒魚蓉真材實料，加少少脆米增加口感同香味，估唔到配搭創新又好食主菜🐷經典醋香豚肉｜🌾海膽海參燴日本稻米豚肉炸至香酥微焦，沾滿濃稠醋汁，菠蘿酸甜開胃，中和肉類油膩感，紅黃椒爽脆鮮甜米飯以小型茶碗盛載，感覺精緻高雅，鮮橙色海膽置頂配碧綠香蔥，色彩對比鮮明，令人食欲大增🤤飯粒圓潤飽滿，口感軟糯，每啖都食到香濃creamy既醬汁，雜菇及海參粒令整體口感更豐富，製作用心，選料上盛蒜蓉炒菜心🥬蒜蓉味香濃，口感爽脆甜品🫘紅豆沙口感棉密起沙，鮮百合滋潤養顏，唔會太甜飲品🍷