響 - Hibiki 日本燒肉 (已結業)

呢間「響Hibiki」係一間位於佐敦，平日夜晚都長期爆場嘅燒肉放題，最近做緊79折，咁抵今晚就黎大食一餐。首先坐低冇耐已經有三大主角出場，分別係🥩燒肉拼盤、🍣刺身拼盤、🦞龍蝦！燒肉最鍾意當然係入口即溶嘅和牛西冷，刺身就依然係魚油最豐富嘅油甘魚🐟，而龍蝦就略嫌唔夠新鮮彈牙。跟住就開始怒點其他食物。前菜食番啲沙律🥗，仲有泡菜。泡菜就鹹左少少，沙律就夠爽脆開胃，而且胡麻醬都係適量唔會好膩。炸物方面，天婦羅🍤因為需要炸，所以等候時間比較長，但都值得嘅，雖然炸皮未算好薄，但都非常酥脆。當中最鍾意係蟹柳同冬菇～另外仲有超流心嘅榴槤炸彈！蔬果類有🍍菠蘿、🍆茄子、各式各樣嘅菇，平衡番呢餐肉食為主嘅晚餐。當中我最鍾意雞髀菇，好爽口。甜品方面，有Movenpick！🍦我就食左Espresso Croquette，係咖啡味當中帶啲脆脆，超正！另外雪櫃仲有啲蛋糕同布丁🍮，味道唔算太甜架。飲品呢度有🍻啤酒、🥂紅白酒、燒酒、梅酒、柚子酒，🍶我就覺得柚子酒幾新奇，味道酸酸甜甜感覺又清爽。呢度每都有USB充電位🔋，當然仲有良好嘅抽風系統，食完唔會滿身油煙咁走。