啤啤Bear韓國包車 (已結業)

上網都好多人都推介呢一間打卡一流嘅韓式餐廳，一入門口就見到一隻巨型熊啤啤，已經喺個超靚嘅打卡位，餐廳內部嘅設計同韓國當地嘅餐廳超似，配埋K-Pop做背景音樂，真係好似去咗韓國咁，超有feel！我哋嗌咗個BUTTER X GARLIC 無骨炸雞、大發！芝士鐵板黑松露炸醬拉麵、韓式炸餃子、鐵板迷香烤五花肉配包肉生菜，唔單止環境裝飾好靚，嘢食嘅質素都幾唔錯，無骨炸雞新鮮即炸，全部都熱辣辣，外脆內軟，雞肉非常嫩滑，而且十分Juicy，真心推介！芝士鐵板黑松露炸醬拉麵都幾有驚喜，睇住鐵板上邊嘅芝士慢慢咁溶，感覺幾治癒，溶咗之後再撈埋啲拉麵，非常邪惡！同樣都幾推介香烤五花肉，一碟八條圓條五花肉俾你慢慢燒，幾過癮，配埋生菜口感幾新鮮！