Honbo (已結業)

今日同老公嚟呢度拍拖行街，整個南豐紗廠都幾獨特有少少似元創方，但感覺上食肆比元創方還多，工廠區嘅綠洲。餐廳對住的特色牆好靚，對住佢食嘢特別有 feel。見呢間漢堡包專門店好多年輕人幫襯，我哋都想感受一下，裝修簡潔新潮，座位唔算多，好在漢堡包食得比較快流轉亦較快，唔需要等位。日式炸蠔漢堡為此分店獨有，第一次食此配搭，老公認為可能係佢食過最好食嘅漢堡之一，蠔炸得脆同有高級日本餐廳水準，食落去感受到軟硬軟的變化及味道上的多層次。招牌漢堡中間的牛肉比較淋及肉汁豐富，食落有濃濃牛肉味。拉絲芝士條真係拉到芝士絲，芝士味濃但唔會感覺太膩，食多幾條都得。薯寶亦十分有水準，薯仔本身品質高，好甘甜。