Error 19 (已結業)

做咗foodie咁耐，都未試過係第一個寫嗰間餐廳食評嘅人，等我今次就為依間新開嘅餐廳，寫下食評啦，呢間餐廳好有少女心，全間餐廳已粉紅色同藍色為主，仲有好多打卡位，裝修到幾靚。我係食晏晝，覺得個價位唔算貴，幾十蚊至到100幾十蚊都已經有選擇啦，喺旺角來講，都算係平價嘅選擇。湯係南瓜湯，而沙律菜就正正常常啦叫咗一個牛扒餐同埋一個蜆肉意粉餐。每一個餐都包沙律菜同湯同蒜蓉包！認真抵食，至於嘢飲如果想要嘅話呢就加$18就有啦。西冷牛扒配紅酒汁叫咗五成熟，真係啱啱好，俾大家睇吓幅圖就知啦，唔會有血水，牛味配埋紅酒汁，就絕配！蜆肉意粉呢個就真係建議鍾意食辣嘅蜆肉意粉先好叫啦，因為佢算係printer嘅，但辣得來又幾好食嘅，佢嘅蜆肉好新鮮，好香。而且意粉唔會煮得太冧，一個價錢有咁嘅質素，我一定會再返嚟食。我而家食就唔使等位，但我好肯定佢多啲人食之後一定會更加更加多人嚟排隊打卡。