合十 (已結業)

講到cafe觀塘呢間以露營為主題餐廳內外都好岩打卡，外面會較熱，但可以係帳幕影下相，好靚，室外天花放滿小燈，好浪漫~先叫咗香辣忌廉海鮮扁意粉，份量好多，2 個人都夠食，每條扁意粉都掛滿醬汁，軟硬適中，味道就微微嘅辣，海鮮有蝦球、蜆、帆立貝等，好豐富！😝小食就要咗個好有份量嘅小食拼盤，有齊 炸魚餅、洋蔥圈、炸雞、墨西哥脆片，最特別係有燒菠蘿☺真係冇諗過~成盤小食份量真係好夠，炸雞外脆內嫩，都幾大件，食到最後食埋個燒菠蘿，甜甜地去油膩☺甜品最岩打卡，依家最興嘅瀑布蛋糕，揀咗香芒班蘭奶蓋瀑布蛋糕配椰子雪糕，班蘭味極濃，奶味香濃，而芒果酸甜酸甜咁，好開胃~蛋糕口感極軟綿鬆軟，配外層奶醬，口感豐富飲品啲名真係好搞笑，必叫阿婆嘅秘密同戀愛預告~阿婆嘅秘密喺本沙冰，蘋果味甜甜嘅沙冰，咁熱嘅天氣好岩飲~戀愛預告同個名一樣，外表好浪漫，紫色漸變，配雪糕， 蝶豆花中配玫瑰花蜜嘅潤喉，甜度剛好，好岩夏天飲😋整體餐廳好岩同男朋友/閨蜜打卡，晚上去 啲燈開曬更靚，室外室內都好岩打卡~食物質素都算唔錯，飲品同甜品都睇得出好有心思