Vivienne Westwood Café (Fashion Walk)

营业中

休息中

身為一個鍾意打卡嘅女人，梗係要去吓咩一啲名牌餐廳度食返次啦！鴨脾配招牌窩夫呢個配搭比較創新，鴨脾烹調火候拿捏得不錯，肉質幾淋軟，不過始終鴨會比較出油，會帶點油膩感但旁邊既窩夫就起到佢嘅作用！中間仲有一粒流心蛋，啲蛋汁仲可以配埋沙律食。蒜香蜆肉意粉意粉口感適中，而且好夠乾身，帶左淡淡香草味，蒜味亦夠香濃，蒜頭明顯有爆香過，峴肉全部開哂殼，清洗得相當乾淨，但係單獨食蜆肉會覺得有啲鹹。平時食呢種意粉會好油膩，但呢碟卻有意猶未盡嘅感覺。Sunrise trip蘋果片、香橙片同檸檬草結合而成既飲品！能夠去除身體多餘嘅油脂，增強自身抵抗力，入口非常清新，帶有芬芳嘅果香（建議唔好心急，等佢焗上五到10分鐘先開始飲）黑糖薑拿鐵入口偏甜，但甜度好舒服，因為並唔係糖漿嘅假甜，係口腔停留2秒就會感受到薑既回甘。兩者嘅配搭深得小編嘅喜愛，特別要提就係杯面印有招牌logo（由咖啡粉砌成，岩哂打卡！）法式焦糖燉蛋配窩夫雪糕焦糖燉蛋好滑，微微暖，焦糖面做得夠厚亦夠實淨。窩夫外皮好脆不過落更多蛋漿，相信口感會更加豐富。