影片
更多
2023-03-24
83 浏览
朋友生日終於去咗依間打卡火鍋店！依到最令人印象深刻嘅除咗係店內用咗充滿懷舊感嘅裝修外，火鍋併盤會用一個大圈圈圍住湯鍋～餐廳劃分成三個唔同嘅場景，正中間位置竟然擺放咗一部懷舊電單車！而旁邊就有一個小酒吧！店內仲有好多唔同嘅裝飾佈置～所有座位都好闊落，坐得好舒服！坐低無耐，侍應就送上2杯雪梨杞子汁作為welcome drink. 入口清甜，好解喝～最特別嘅係，杯入面好似有條魚仔咁！黑蒜豬骨鍋 $328一向鍾意食豬筒骨，依個黑蒜豬骨鍋絕對冇令我失望，入面有成4大舊豬筒骨！蒜味唔會太重，比平時嘅豬骨湯底濃味一啲！香江拼 $798鍋底到咗之後，最吸睛嘅打卡拼盤亦好快送到！拼盤一共有8款野，包括：黑柏葉、牛心頂、牛白肉、牛柳粒、安格斯肥牛、手切肥牛、牛小腿、牛脷。先食味道較淡嘅黑柏葉同牛心頂，3秒就食得！爽口彈牙，鮮嫩爽脆。再到牛白肉，同樣3秒食得，脂香十足，越咬越香～講到最靚一定係砌成玫瑰花型嘅安格斯肥牛，每片都厚厚嘅，牛味香濃！手切肥牛比安格斯薄少少，同樣肉味香濃～牛柳粒就軟腍有口感，時間需要耐少少，大概4分鐘！七色丸 $108七種顏色分別有七種口味：紅咖喱墨魚丸、椰芋墨魚丸、南乳墨魚丸、黑松
朋友生日終於去咗依間打卡火鍋店！依到最令人印象深刻嘅除咗係店內用咗充滿懷舊感嘅裝修外，火鍋併盤會用一個大圈圈圍住湯鍋～
餐廳劃分成三個唔同嘅場景，正中間位置竟然擺放咗一部懷舊電單車！而旁邊就有一個小酒吧！店內仲有好多唔同嘅裝飾佈置～所有座位都好闊落，坐得好舒服！
坐低無耐，侍應就送上2杯雪梨杞子汁作為welcome drink. 入口清甜，好解喝～最特別嘅係，杯入面好似有條魚仔咁！
黑蒜豬骨鍋 $328[分數：8/10]
一向鍾意食豬筒骨，依個黑蒜豬骨鍋絕對冇令我失望，入面有成4大舊豬筒骨！蒜味唔會太重，比平時嘅豬骨湯底濃味一啲！
香江拼 $798[分數：9.5/10]
鍋底到咗之後，最吸睛嘅打卡拼盤亦好快送到！拼盤一共有8款野，包括：黑柏葉、牛心頂、牛白肉、牛柳粒、安格斯肥牛、手切肥牛、牛小腿、牛脷。
先食味道較淡嘅黑柏葉同牛心頂，3秒就食得！爽口彈牙，鮮嫩爽脆。
再到牛白肉，同樣3秒食得，脂香十足，越咬越香～
講到最靚一定係砌成玫瑰花型嘅安格斯肥牛，每片都厚厚嘅，牛味香濃！
手切肥牛比安格斯薄少少，同樣肉味香濃～
牛柳粒就軟腍有口感，時間需要耐少少，大概4分鐘！
七色丸 $108[分數：7.5/10]
七種顏色分別有七種口味：
紅咖喱墨魚丸、椰芋墨魚丸、南乳墨魚丸、黑松露墨魚丸、鹹蛋味墨魚丸、青咖喱墨魚丸、蟹籽魚丸
椰芋墨魚丸嘅味道最為突出！椰香味非常濃郁！好特別！
青咖喱味嘅綠色就最搶眼！2款咖喱味帶少少辣，味道突出，好有泰式嘅感覺！
香芳幻 $88[分數：7.5/10]
香芳幻原來係酸酸甜甜嘅乳酸飲品，上面配有七彩糖朱古力針忌廉，醒胃之餘又可以幫助消化！
桃花緣 $88
[分數：8.5/10]
桃花緣就係白桃乳酸梳打，清爽梳打，打邊爐飲就啱晒！送黎嘅時候侍應仲會用槍慢慢吱個波波落去，爆開嘅時候會有少量煙霧，要影相就要把握時間！
臨走前，記得要去埋佢地間波波密室影埋打卡相～喺近門位置郵筒旁！
张贴
