Dazzling Cafe (The ONE) (已結業)

兩個女仔朋友出尖沙咀行街，想搵個正整地嘅地方坐低可以傾計又可以打卡。呢間dazzling cafe啱啱開業嘅時候曾經嚟過，今次再嚟發現佢裝修同設計都唔一樣，連餐牌同埋嘢食都唔同晒！唯一不變嘅係佢依然都會用國語同客人溝通，正宗嘅台灣腔。今次嚟到最大嘅改變係點餐轉左用手機，掃一掃QR code，就會出咗個網址，國內好多都用呢個方法點餐，方唔方便客人就見仁見智，覺得咁樣嘅話人與人之間嘅溝通就會少咗。或者佢哋方便改餐單吧。講返嘢食，佢哋嘅規則係每人都一定要點一杯飲品，本身鍾意飲得健康嘅我就點左即炸嘅奇異果汁，唔算好滿好大杯，似係俾人偷飲咗幾啖咁，朋友嘅玫瑰荔枝氣泡飲就不過不失，有少少過甜。另外我哋都點左一個主菜同一個甜品，佢哋嘅樣就真係好靚呀，打卡唔錯。太妃糖香蕉布里歐，一上枱我哋Wawa 聲，外表夠晒sweet，食落真係同個樣一樣咁甜呀。主菜: 青醬奶油雞腿麵，呢個好味，奶油青醬好香，全餐覺得最好食的一味。