影片
更多
2021-07-05
173 浏览
預訂過程容易，book咗夜晚6點半。去到大廈地下要等𨋢等到下個世紀先上到去，然後一上到去要再排隊等入座。入咗之後侍應會講一講今日Menu有啲乜嘢冇得嗌，但係我冇諗過入到去係要好似canteen咁要自己走去落order比埋錢😂 (點解你咁得閒行埋黎同我解釋唔落埋order...? ) 我諗呢間真係我成世人第一間要book位然後要自己去counter落order嘅餐廳，真係有啲不知所謂🙂 樓面同廚房各有5-6個人，基本上樓面帶完位出完嘢食之後就冇嘢做，行行企企。嗌咗個生薑燒定食、蘋果雞肉咖喱烏冬，同埋一個海鹽富士山。個生薑燒係唯一一個有蓋嘅餸，個蓋同隻碗都係熱嘅，而且生薑燒啲洋蔥同豬肉都完全冇炒過嘅痕跡，所以十分之有理由相信係蒸嘅🥲收我138但係細碗到一個點。價錢同份量唔成正比，而且你個價錢起碼你俾少少心機煮下俾我都好🥲個咖哩就咖喱磚咁嘅味，雖然個烏冬無淋到斷，但係就然後就收咗我128。抵唔抵你自己諗。左邊有個細碗我以為係甜品嘅東西，原來係醃蘿蔔加一pat柚子蜜，甜到痴線，真係好難入口😕個甜品就，個富士山係一舊好濕嘅海綿蛋糕，加一嚿海鹽味嘅雪糕同啲消化餅餅碎。啲餅碎幾好食，一般般嘅味道。我
嗌咗個生薑燒定食、蘋果雞肉咖喱烏冬，同埋一個海鹽富士山。
個生薑燒係唯一一個有蓋嘅餸，個蓋同隻碗都係熱嘅，而且生薑燒啲洋蔥同豬肉都完全冇炒過嘅痕跡，所以十分之有理由相信係蒸嘅🥲收我138但係細碗到一個點。價錢同份量唔成正比，而且你個價錢起碼你俾少少心機煮下俾我都好🥲
個咖哩就咖喱磚咁嘅味，雖然個烏冬無淋到斷，但係就然後就收咗我128。抵唔抵你自己諗。左邊有個細碗我以為係甜品嘅東西，原來係醃蘿蔔加一pat柚子蜜，甜到痴線，真係好難入口😕
個甜品就，個富士山係一舊好濕嘅海綿蛋糕，加一嚿海鹽味嘅雪糕同啲消化餅餅碎。啲餅碎幾好食，一般般嘅味道。
我諗間餐廳我最唔滿意係嗌野食嘅安排同埋啲現成嘢食，真係好冇心機好求其，純粹想用環境吸引人影相。以一間餐廳嚟講真仲要呢個價錢都真係唔合格😅 曬咗我四舊水。
张贴
