小明珠

繼續喺觀塘觀塘道覓食，呢一間中菜廳比較接近牛頭角方向。而佢嘅嘢食都幾好味，而且會送好多美食首先，我哋叫咗一份孜然牛肉，紅燒豆腐，一個包同埋一份菜，再配咗兩杯豆漿。佢嘅孜然牛肉勁好食少少辣，但係好香。而豆腐就比較重味道，好適合配埋其他主食一齊食。至於我哋嘅菜係櫻花蝦炒高麗菜，清清淡淡亦都唔錯。而豆漿唔會甜，亦都唔會話完全冇糖，飲落就覺好似少糖豆漿咁，相對健康。另外不得不提嘅係，只要你有社交平台打卡，都分別可以有一份免費嘅小食，大家都可以試吓。