茶聊 (已結業)

老婆話想試好耐，所以我同老婆今日去試食。我地去到一人叫左個lunch set，我叫左5成熟，老婆叫左個羊架，然後再一人一杯髒髒奶茶同布蕾黑糖珍珠奶茶。牛扒方面，我覺得個牛扒幾好，值得一試，肉味濃，唔會話好肥，而且都唔韌，我覺得有budget可以試，絕對唔會後悔。而羊架方面，好香羊味，未食都已經聞到陣羊騷味。可惜，羊肉質偏韌，呢度有少少扣分，如果中意食羊都可以一試，但唔好話太大期待。係飲品方面，我覺得兩杯飲品都整得好靚，唯獨我自己覺得奶味較重，無咩茶味。另外，我覺得食物的擺盤和飲品和環境都好適合打卡，適合中意打卡的情侶一齊去，而且價錢都唔算貴，平均每人160到。總括而言，我覺得值得一試。