麻辣風雲 (已結業)

今日突然心血來潮想食四川菜，之前試過銅鑼灣分店，今次就試吓旺角分店先😆✨荔枝蝦球呢個真係打卡之選，到店必點嚟到個賣相就已經仙氣十足。但唔係得個樣㗎，外型真係同一粒荔枝冇分別，食落都仲熱辣辣，另外仲配埋個醬，酸酸甜甜好開胃。✨麻辣風雲涼拌雞絲粉皮估唔到雞絲粉皮嘅醬汁咁出色，佢嘅胡麻醬係自家調製出黎，所以食落特別唔同。✨酸菜魚用咗自家製嘅酸菜，魚骨，豬骨去熬煮，魚肉非常鮮嫩。我點咗小麻、小辣啱啱好啱我口味，因為我唔係太食得辣。另外佢嘅薯粉，超級好味，好煙韌吸晒湯底嘅精華。環境坐得幾舒服，係冷氣凍左少少，下次食想試吓坐門口附近張枱叫《風雲亭》