麻辣風雲 (已結業)

今次黎到旺角食呢間岀名嘅四川菜，每碟都勁浮誇，同大碟，真係啱晒鐘意打卡嘅香港人🤩一行入黎充滿中國風設計，待應安排左我哋坐喺涼亭入面用餐😂別有一番風味 荔枝蝦球外型勁岀眾，擺盤別具心思 ，行入黎已經見到每枱都有叫，當然係必叫之選，所謂嘅荔枝係，係已經炸到脆卜卜嘅蝦球，配上甜酸醬，非常開胃。😆炸饅頭雖然係一道簡簡單單嘅菜式，但係都配上咗一個好浮誇嘅外型😂，真係好適合打卡，炸饅頭內脆外軟，加埋煉奶😍😍真係多多都食得落干鍋超級惹味嘅乾鍋，可以俾你自由選擇配料，勁多選擇，今次就嗌咗五花肉，豆干，薯粉，油麥菜，蓮藕片，十分之惹味，份量勁多，超級抵食，鍋底仲有小火 可以幫手烘住食物，咁就唔怕食物咁快凍啦，加分👅黑糖脆炸糍粑中式甜品，即叫即炸，內層十分煙靭，配埋外層嘅黑糖醬😍簡直係呢餐飯嘅圓滿結尾