鳥棲日本料理 (已結業)

閏蜜聚🥰黎到觀塘試完姊妹裙就一於係附近覓下食~呢個地方真係會令到人選擇困難症架😆.📍鳥棲日本料理.🍚原條鰻魚炒飯 ($128) - 好似蛋包飯咁靚嘅賣相，唔單止樣靚，味道都好好~最鍾意肥美鰻魚配埋好味鰻魚汁同炒飯😋🥢明太子沙律 ($28) -賣相望落似紅蘿蔔粒粒，咬落口卜卜脆似希靈魚喎，好食呀!🥩牛肉他他燒 ($92) - 生牛肉雪花分佈平均，切得唔算太薄令到口感幾好~點個醬汁配埋葱同生蘿蔔茸真係無得輸呀👍🏻👅自慢燒肉系列-燒汁牛舌 ($72) - 每一塊牛舌都有燒汁淋面，只需要簡單燒下(唔好燒太耐，唔係會好韌😛)，juicy好味嘅牛舌就可以送入口啦~~🥘壽喜牛肉鍋 ($128) - 見到每張枱都食鍋物嘅我地都唔執輸，叫左2個鍋~牛肉嫩滑，配菜都多，有豆腐、菜、粉絲~唔錯唔錯☺️🦀松葉蟹鉗海鮮鍋 ($138) - 呢個鍋鋪滿海鮮，除咗主角松葉蟹鉗之外，仲有青口、帶子、蝦、樣樣都幾鮮甜👏🏻🧆雙重芝士年糕 ($45) - 面頭鋪上芝士再用火槍燒到半融，完美呈現雙重芝士，雖然好肥，但食完先再算啦😆🗻藍桔富士山 ($35) - signature drink幾乎每枱都會有一杯，有個小燈係飲品入面