影片
更多
2024-01-11
187 浏览
Royal Inn 位於銅鑼灣皇室堡，見係新餐廳，又喺戲院樓下，所以收工去一探究竟。裝修不錯，中間有個噴水池仔。可惜佢編咗我坐中間半圓嘅枱，請問我同女朋友嘅體重都不高，挨落去個椅背，竟然會郁，唔通係考驗我哋嘅core，食飯之餘可以做吓gym？！一開始我落咗個牛肉他他，蟹肉意粉，同一份Sirlon。跟住問佢有咩生蠔，佢同我講剩係得兩種蠔，所以兩種價錢，跟住有講係咩產地嘅乜嘢蠔嘅，不過冇樣睇，所以不敢叫。過咗幾分鐘，侍應過嚟同我講冇牛肉他他。時間都仲係七點幾，場來都應該得五成客人左右，竟然咁快賣晒牛肉他他。咁我就轉咗個芝士沙律啦，沙律味道係不錯嘅，亦都圖文並乎，美中不足嘅係可惜菜量比較少，所以都不能夠每一啖都有菜伴芝士。第二道蟹肉意粉，creammy嘅，蟹肉亦都夠嘅，不過份菜嘅蘆筍好似迷你版，不過不失。第三道西冷牛扒，我叫咗medium rare，上嚟嘅時候真係medium Rare嘅，可惜切落去完全冇肉汁，完全咬唔開，又冇乜肉味。咁我就當然向經理反映啦，我好婉轉地同佢講，可能係我嘅牙齒有問題，所以咬唔開。經理問我成數有冇問題，咁我都好坦白同佢講冇嘅，都係medium Rare 三成，但佢
裝修不錯，中間有個噴水池仔。可惜佢編咗我坐中間半圓嘅枱，請問我同女朋友嘅體重都不高，挨落去個椅背，竟然會郁，唔通係考驗我哋嘅core，食飯之餘可以做吓gym？！
一開始我落咗個牛肉他他，蟹肉意粉，同一份Sirlon。
跟住問佢有咩生蠔，佢同我講剩係得兩種蠔，所以兩種價錢，跟住有講係咩產地嘅乜嘢蠔嘅，不過冇樣睇，所以不敢叫。
過咗幾分鐘，侍應過嚟同我講冇牛肉他他。時間都仲係七點幾，場來都應該得五成客人左右，竟然咁快賣晒牛肉他他。
咁我就轉咗個芝士沙律啦，沙律味道係不錯嘅，亦都圖文並乎，美中不足嘅係可惜菜量比較少，所以都不能夠每一啖都有菜伴芝士。
第二道蟹肉意粉，creammy嘅，蟹肉亦都夠嘅，不過份菜嘅蘆筍好似迷你版，不過不失。
第三道西冷牛扒，我叫咗medium rare，上嚟嘅時候真係medium Rare嘅，可惜切落去完全冇肉汁，完全咬唔開，又冇乜肉味。咁我就當然向經理反映啦，我好婉轉地同佢講，可能係我嘅牙齒有問題，所以咬唔開。經理問我成數有冇問題，咁我都好坦白同佢講冇嘅，都係medium Rare 三成，但佢竟然同我講，咁即係四成熟，佢完全好似係教導我咁，咁我都好禮貌，咁同佢講都係三四成都唔得啦，佢就話俾個折我。我當下同佢講我唔係要折喎，佢話個師傅同佢講，因為係西冷，先會係咁，所以叫我轉肉眼。佢講到我好似無食唔出正常西冷同肉眼咁，喺我未飽嘅情況下，就轉佢嘅肉眼試吓啦。佢又再問我叫幾多成熟，我都重申多一次，我要medium Rare三成熟。喺等佢嘅肉眼之際，都有叫佢拎個drink menu睇吓嘅，似乎應該未有酒牌，所以我只能夠乾等。
到肉眼上左，肉質同肉味都有所提升，呢個價錢係正常嘅。到經理再過嚟同我詢問意見嘅時候，咁我都好坦白，咁同佢講真係進步咗好多。佢竟然同我講，佢有陣時啲牙都咬得到，但係其實我本人都係一個年輕人，咬合力應該都唔會咁差掛。跟住再同我講，呢個正正係肉眼同西冷嘅分別，我都只能夠笑住答佢，係呀係呀。
都明白呢啲商場餐廳唔係食食材，主要都係嚟打卡，但係都應該俾少少誠意，禮貌同訓練，唔好當啲客好似唔識食飯咁。
烤蕃茄布袋芝士沙律
$168
9 浏览
0 赞好
0 留言
蟹肉忌廉汁扁意粉
$168
15 浏览
0 赞好
0 留言
安格斯西冷
$348
7 浏览
0 赞好
0 留言
张贴
